經常都聽到好多學生覺得八級樂理好容易唔合格，而事實上又有好多學生唔合格而搵我幫手，到底點樣先算係學八級樂理既最有效方法呢？點樣先為指係一個好嘅八級樂理課程呢？以下係我一啲見解：
第一，八級樂理係學習上應該以邏輯推理為基礎。與五級樂理嘅學習方式截然不同，五級樂理着重嘅係past paper嘅操練，因為「番炒」嘅機會率比較高。有留意開五級樂理題目嘅朋友都會知道近年來的五級樂理題目已經比較多一啲從來冇出現喺past paper嘅新題目，更何況係八級樂理呢？我講既以邏輯推理來學習八級樂理嘅方法係建基於背後一套思考模式去針對做八級樂理嘅題目。例如以第二條鋼琴題目做例子，given 左既地方係我會要求學生特別留意嘅，因為呢個位之前嘅地方一定係局限於某個音域，換言之呢個位嘅可變性比較低，所以應該先處理這部份嘅位置，而唔應該喺空白位置順序去處理題目。換言之，做呢類題目應該要從後邊做返上前面，即係類似逆向思維的方法，順序做唔係唔得，但係當處理到空白位置同之後位置嘅轉接位時就可能接駁不到，咁樣嘅話就可能要重新再做一次，對處理其他八級樂理考試題目的時間就大打折扣了。
第二，就係做past paper嘅方法。做得越多係咪就等於越好？大家可以留意到近期八級樂理考試嘅題目種類同埋款式已經同往年大大不同，所以我哋唔需要做一啲太舊年份嘅題目，着重近三四年嘅題目去分析題目種類是很重要的。另外做完一條八級樂理題目應該以筆記方式記低嗰條題目中學習到嘅作曲方法、題目結構、以及chord progression，呢個就係我認為一個比較有效去做past paper嘅方法。
第三，我認為求學唔多唔少是求分數的，所以應該以合格為最大原則。一開始都有講到好多人用咗十幾二十個鐘好多時間去學八級樂理，但最後埋門一腳失手唔合格。到底問題出喺邊呢? 就係唔能夠好有效咁樣做past paper，無一啲好實質嘅得着。我從來都唔會要求學生喺每一條Past paper要發揮得好好，因為發揮得好唔好係睇臨場做嗰條題目，我要求學生嘅係做每一條past paper都可以能夠建立一個做題目既sense，都會好快get到每一條題目應該點做嘅方向，做好time management 從而令自己考試嘅心理質素提高。咁樣嘅話當你收到任何未見過又或者新題目嘅時候都可以慢慢去剖析入邊嘅細節其實都係你之前遇見過。
陳SIR一套獨創八級樂理精讀課程有助你在八級樂理考試中旗開得勝，樂理班高合格率，請whatsapp 查詢。
